दुचाकी व कारचा अपघात ; अपघातात एकाचा मृत्यू तर एक जण गंभीर जखमी

वार्तादूत – डिजिटल न्युज नेटवर्क
बाबळसुर पाटीजवळ दुचाकी व कारच्या अपघातात एकाचा मृत्यू तर एक जण गंभीर जखमी झाला आहे.
याबाबत मिळालेली माहिती अशी की, लोहारा तालुक्यातील मुर्शदपूर नागराळ येथील दोघेजण दुचाकीवरून कलबुर्गी लातूर रोड वरून जात होते. त्यावेळी पाठीमागून येणाऱ्या कारने बाबळसूर पाटीजवळ दुचाकीला मागून जोराची धडक दिली. हा अपघात मंगळवारी (दि. 22) दुपारी अडीच वाजेच्या सुमारास घडला आहे. यात दुचाकी वरील धनराज मोरे (70) राहणार मुर्शदपूर नागराळ यांचा मृत्यू झाला. तसेच शिवाजी बलसुरे (41) हे गंभीर जखमी झाले आहेत. दरम्यान अपघाताची माहिती मिळताच श्री नरेंद्रचार्य संस्थानच्या रुग्णवाहिकेतून उमरगा शहरातील खाजगी रुग्णालयात जखमीला दाखल करण्यात आले आहे.