पंचायत समिती लोहारा येथे सीईओ राहुल गुप्ता यांच्या अध्यक्षतेखाली आढावा बैठक संपन्न

वार्तादूत – डिजिटल न्युज नेटवर्क
उस्मानाबाद जिल्हा परिषदेचे मुख्य कार्यकारी अधिकारी राहुल गुप्ता यांच्या अध्यक्षतेखाली मंगळवारी (दि.५) लोहारा पंचायत समिती येथे आढावा बैठक संपन्न झाली. प्रधान मंत्री आवास योजना – ग्रामीण महा आवास योजना अंतर्गत उभारलेल्या डेमो हाउसचे उद्घाटन मुख्य कार्यकारी अधिकारी राहुल गुप्ता यांच्या हस्ते यावेळी करण्यात आले.
या आढावा बैठकीमध्ये पंचायत विभाग अंतर्गत राबविण्यात येणाऱ्या विविध योजनांच्या कामाचा आढावा घेण्यात आला. यामध्ये ग्राम पंचायत विभाग, घरकुल विभाग, कृषी विभाग, रोजगार हमी योजना, स्वच्छ भारत मिशन, महाराष्ट्र राज्य ग्रामीण जीवनोन्नती अभियान, बांधकाम, एकात्मिक बाल विकास विभाग, जलजीवन मिशन, शिक्षण विभाग, पशुसंवर्धन विभाग, आरोग्य विभाग अशा विविध विभागाचा आढावा घेऊन काम कमी असलेल्या ग्रामविकास अधिकारी, ग्रामसेवक व संबधित विभाग प्रमुख यांना प्रलंबित कामे पूर्ण करून घेणे विषयी व कामात कमी असलेल्या ग्राम पंचायती व संबधित विभागांना माहे नोव्हेबर अखेर कामात प्रगती करणे बाबत मुख्य कार्यकारी अधिकारी राहुल गुप्ता यांनी सुचना दिल्या.या बैठकी करिता जिल्हा परिषद उस्मानाबाद येथील अतिरिक्त मुख्य कार्यकारी अधिकारी अनिलकुमार नवाळे, उपमुख्य कार्यकारी अधिकारी महिला व बालकल्याण श्री. निपाणीकर, उपमुख्य कार्यकारी अधिकारी पाणी पुरवठा व स्वच्छता अनंतकुमार कुंभार, उपमुख्य कार्यकारी अधिकारी पंचायत, नितीन दाताळ, जिल्हा पशुसंवर्धन अधिकारी श्री. पुजारी, जिल्हा कृषी अधिकारी श्री. पठाडे, गटविकास अधिकारी, सोपान अकेले, सहाय्यक गट विकास अधिकारी, अमित कदम, बाल विकास प्रकल्प अधिकारी, श्री. कांबळे, तालुका आरोग्य अधिकारी डॉ. अशोक कठारे, गटशिक्षण अधिकारी, श्रीमती टी एच सयदा, सहाय्यक अभियंता श्रेणी २ आर. एस. पाटील तसेच पंचायत समितीचे विस्तार अधिकारी व सर्व कर्मचारी उपस्थित होते. सदर बैठकीचे सूत्रसंचालन श्रीनिवास पाटील यांनी केले. पंचायत समितीच्या आवारात प्रधान मंत्री आवास योजना – ग्रामीण महा आवास योजना अंतर्गत उभारलेल्या डेमो हाउसचे उद्घाटन मुख्य कार्यकारी अधिकारी राहुल गुप्ता यांच्या हस्ते यावेळी करण्यात आले. ग्रामीण भागात कमी खर्चात चांगले घर कसे बांधता येते याचा नमुना सदर डेमो हाउसच्या माध्यमातून लक्षात येते. याकरिता सदर घरकुल डेमो हाउसचे उद्घाटन करण्यात आले.