लोहारा येथील डॉ. श्रीगिरे दाम्पत्याचा पुणे येथे सन्मान – पुणे येथे आयोजित कार्यक्रमात डॉ. रुपाली श्रीगिरे व डॉ. हेमंत श्रीगिरे यांना पुरस्कार प्रदान

वार्तादूत – डिजिटल न्युज नेटवर्क
पुणे येथे काव्य मित्र संस्थेच्या वतीने जागतिक पर्यावरण दिन, राष्ट्रमाता जिजाऊ स्मृतीदिन व अहिल्यादेवी होळकर यांच्या जयंतीचे औचित्य साधून लोहारा येथील डॉ. रूपाली हेमंत श्रीगिरे यांना राष्ट्रीय आदर्श महिला समाज भूषण पुरस्कार व डॉ. हेमंत श्रीगिरे यांना राष्ट्रीय कार्य गौरव पुरस्कार प्रदान करण्यात आला.ऑटो क्लस्टर ऑडीटोरिअम, पुणे येथे आयोजित कार्यक्रमात हा सत्कार करण्यात आला. डॉ. श्रीगिरे दाम्पत्याने आजपर्यंत केलेल्या आरोग्य व सामाजिक क्षेत्रातील कार्याची दखल घेऊन डॉ. पंडित विद्यासागर (माजी कुलगुरू व जेष्ठ विचारवंत, पुणे), डॉ. जयश्री घोडके (नळदुर्ग), भाऊसाहेब जंजिरे (सेवाभावी उद्योजक, पुणे), डॉ. वंदना वाहुळ ( शिक्षण उपसंचालक पुणे), रवींद्र साळुंके ( शिक्षण तज्ज्ञ पुणे) आदी मान्यवरांच्या हस्ते डॉ. रुपाली श्रीगिरे व डॉ. हेमंत श्रीगिरे यांना पुरस्कार देऊन सन्मानित करण्यात आले. यावेळी निमंत्रक हरीनाथ कांबळे, मुख्य संयोजक राजेंद्र सगर व निवेदक संजय जगताप श्रीगिरे हॉस्पिटलचे कर्मचारी आदी उपस्थित होते.