लोहारा शहरात शिवजयंती निमित्त मोफत सर्वरोग निदान व उपचार शिबीर संपन्न – १७८ रुग्णांची केली तपासणी – नगरसेविका आरती सतिश गिरी यांच्याकडून शिबिराचे आयोजन

वार्तादूत – डिजिटल न्युज नेटवर्क
छत्रपती शिवाजी महाराज यांच्या जयंती निमित्त लोहारा शहरातील प्रभाग क्रमांक दोनच्या नगरसेविका आरती सतिश गिरी, ग्रामीण रुग्णालय लोहारा, स्पर्श ग्रामीण रुग्णालय सास्तूर, लोहारा तालुका आरोग्य अधिकारी कार्यालय यांच्या संयुक्त विद्यमाने सामाजिक भावना जपत प्रभागातील नागरीक व महिलांसाठी शुक्रवारी (दि.१८) मोफत सर्वरोग निदान व उपचार शिबिर घेण्यात आले. या शिबिरात एकूण १७८ रुग्णांची तपासणी करण्यात आली.या कार्यक्रमाच्या अध्यक्षस्थानी जि.प. सदस्या शितल राहुल पाटील होत्या. यावेळी नगराध्यक्षा वैशाली अभिमान खराडे, उपनगराध्यक्ष आयुब हबीब शेख, शिवसेना गटनेत्या सारीका प्रमोद बंगले, उपविभागीय पोलीस अधिकारी रमेश बरकते, राष्ट्रवादी काँग्रेसचे गटनेते जालिंदर कोकणे, डॉ. संदिप उपळे, डॉ. राजु गायकवाड, डॉ. सुनिता चक्रवार, डॉ. पलवी शिंदे, नगरसेवक गौस मोमिन, अमिन सुंबेकर, जिल्हा सहकार बोर्ड संचालक अविनाश माळी, नागन्ना वकील, दिपक रोडगे, कृषी उत्पन्न बाजार समितीचे माजी सभापती दयानंद गिरी, माजी नगरसेवक अभिमान खराडे, बाळासाहेब पाटील, नगरसेवक विजय ढगे, प्रशांत काळे, आयुब अब्दुल शेख, श्रीकांत भरारे, के.डी.पाटील, शब्बीर गवंडी आदींची प्रमुख उपस्थिती होती. या शिबिरात नेत्र तपासणी, बीपी, शुगरच्या रुग्णांसह लहान बालके, स्त्रियांची असे एकूण १७८ रुग्णांची तपासणी करण्यात आली. तसेच औषध, गोळ्या मोफत वाटप करण्यात आले. तसेच शिबिरात ३५ जणांचे कोविड लसीकरण करण्यात आले. या कार्यक्रमाचे प्रास्ताविक तालुका आरोग्य अधिकारी डॉ. अशोक कटारे यांनी केले. सतीश गिरी यांनी सुत्रसंचालन करून आभार मानले. हे सर्वरोग निदान शिबिर यशस्वी करण्यासाठी दयानंद गिरी मित्रमंडळाचे उमाकांत लांडगे, गौरव गोसावी, स्वप्नील नारायणकर, योगेश गिरी, प्रशांत माळवदकर, शुभम गोसावी, अजय गोसावी, योगेश बाभळे, अदिंनी परिश्रम घेतले.