वार्तादूत – डिजिटल न्युज नेटवर्क
तुळजापूर तालुक्यातील आरळी येथे जागतिक महिला दिनानिमित्त विविध क्षेत्रातील कर्तृत्ववान महिलांचा विशेष गौरव करण्यात येणार आहे. आरळी बु. येथे दि. ७ रोजी हा कार्यक्रम होणार असून या कार्यक्रमात पुणे येथील प्रसिद्ध सिनेअभिनेत्री, निर्माती, छावा क्रांतीवीर सेनामहिला चित्रपट आघाडीच्या प्रदेशाध्यक्षा श्री मेसवाल यांना हिरकणी पुरस्कार २०२२ देऊन त्यांचा गौरव करण्यात येणार आहे.
उस्मानाबाद जिल्ह्यातील तुळजापूर तालुक्यातील आरळी बु. महोत्सव समिती २०१८ पासून विविध क्षेत्रात काम करणाऱ्या कर्तृत्ववान महिलांचा जागतिक महिला दिनाचे औचित्य साधून “जिल्हास्तरीय हिरकणी पुरस्कार” देऊन गौरव करण्याचा वसा हाती घेतला आहे. यंदा हे पुरस्काराचे पाचवे वर्ष आहे. पुणे येथील सिनेअभिनेत्री श्री मेसवाल यांनी केलेल्या उल्लेखनीय, भरीव व वैशिष्ट्यपूर्ण कार्याची दखल घेऊन त्यांची या पुरस्कारासाठी निवड करण्यात आली आहे. खासदार ओमप्रकाश राजेनिंबाळकर यांच्या हस्ते या पुरस्कारांचे वितरण करण्यात येणार आहे. या कार्यक्रमाच्या अध्यक्षस्थानी माजी मंत्री मधुकरराव चव्हाण हे राहणार आहेत.
या कार्यक्रमासाठी सरपंच परिषदेच्या प्रदेशाध्यक्षा जिनत कोहिनूर सय्यद या प्रमुख पाहुणे म्हणून उपस्थित राहणार आहेत.तुळजापूर तालुक्यातील आरळी बु येथे दि. ७ मार्च रोजी सकाळी ११ वाजता हा कार्यक्रम आयोजित करण्यात आला आहे. याच कार्यक्रमात विविध क्षेत्रातील कर्तृत्ववान महिलांचा मान्यवरांच्या हस्ते पुरस्कार देऊन गौरव करण्यात येणार आहे.
