वार्तादूत – डिजिटल न्युज नेटवर्क
लोहारा तालुक्यातील १३ ग्रामपंचायत निवडणुकीची रणधुमाळी सुरू आहे. आज सोमवारी (दि.५) नामनिर्देशन पत्राची छानणी प्रक्रिया होणार आहे. कोणाचा उमेदवारी अर्ज राहणार आणि कोणाचा उमेदवारी अर्ज बाद होणार याकडे लक्ष लागले आहे.
लोहारा तालुक्यातील १३ ग्रामपंचायतीच्या निवडणुका होत आहेत. या निवडणुकांसाठी नामनिर्देशन पत्र दाखल करण्यासाठी शेवटच्या दिवशी शुक्रवारी (दि.२) मोठी गर्दी झाली होती. या निवडणुकीसाठी सरपंच पदासाठी ५४ तर सदस्यपदासाठी ३५१ असे एकूण ४०५ नामनिर्देशन पत्र दाखल झाले आहेत.
तालुक्यातील १३ ग्रामपंचायतीच्या निवडणुकीची रणधुमाळी सुरू झाली आहे. या निवडणुकीसाठी दि. २८ नोव्हेंबर ते २ डिसेंबर या कालावधीत नामनिर्देशन पत्र भरण्याची मुदत होती. सुरुवातीच्या चार दिवसांत मोजके नामनिर्देशन पत्र दाखल झाले होते. परंतु नामनिर्देशन पत्र दाखल करण्याच्या शेवटच्या दिवशी शुक्रवारी (दि.२) इच्छुकांची मोठ्या प्रमाणात गर्दी झाल्याचे दिसून आले. १३ ग्रामपंचायतच्या या निवडणुकीसाठी सरपंच पदासाठी ५४ तर सदस्य पदासाठी ३५१ नामनिर्देशन पत्र दाखल करण्यात आले. आज सोमवारी (दि.५) प्राप्त नामनी पत्राची छानणी होणार आहे. या १३ ग्रामपंचायतसाठी दि. १८ डिसेंबरला मतदान तर २० डिसेंबरला मतमोजणी होणार आहे.
————
ग्रामपंचायतनिहाय सरपंच व सदस्य पदासाठी दाखल झालेले नामनिर्देशन पत्र खालील प्रमाणे
ग्रामपंचायत सरपंच सदस्य
जेवळी (उ) – ५ ५७
सालेगाव – ११ २९
वडगावगांजा – १ १२
उंडरगाव – ३ १८
सास्तुर – ४ ३६
नागुर – ३ २०
माळेगाव – ३ १५
अचलेर – ५ ३६
विलासपुर – ३ १४
तोरंबा – ४ १८
हिप्परगा (रवा) – ४ ३२
वडगाव वाडी – २ १३
माकणी – ६ ५१
