वार्तादूत – डिजिटल न्युज नेटवर्क
डॉ. शामप्रसाद मुखर्जी समर्थ बुथ अभियान अंतर्गत भारतीय जनता पार्टी उस्मानाबाद यांच्या वतीने मंडल निहाय शक्ती केंद्र प्रमुखांची बैठक घेण्यात येत आहे. या अनुषंगाने भाजपाचे आ. राणाजगजितसिंह पाटील व जिल्हाध्यक्ष नितीन काळे यांच्या प्रमुख उपस्थितीत लोहारा शहरातील भारतमाता मंदिर येथे शनिवारी (दि.२४) बैठक घेण्यात आली.
यावेळी आ. राणाजगजितसिंह पाटील यांनी तालुक्यातील जिल्हा परिषद गटानुसार बूथ कमिटीचा आढावा घेतला. तसेच बुथ रचना संदर्भात आ. राणाजगजितसिंह पाटील व भाजपा जिल्हाध्यक्ष नितीन काळे यांनी सविस्तर मार्गदर्शन केले. यावेळी भाजपा प्रदेश कार्यकारणी सदस्य सुधीर पाटील, ऍड. खंडेराव चौरे, ऍड. अनिल काळे, जिल्हा समन्वयक नेताजी पाटील, लोकसभा विस्तारक शिवाजी गिड्डे, भाजपा जिल्हा उपाध्यक्ष राहुल पाटील, अभय चालुक्य, तालुकाध्यक्ष राजेंद्र पाटील, माजी नगरसेवक आयुब शेख, जिल्हा चिटणीस विक्रांत संगशेट्टी, तालुका सरचिटणीस नेताजी शिंदे, शिवशंकर हतरगे, पं.स. सदस्य वामन डावरे, युवा मोर्चा तालुकाध्यक्ष शुभम साठे, महिला तालुकाध्यक्षा आरती गिरी, तालुका उपाध्यक्ष प्रशांत माळवदकर, ओबीसी जिल्हा उपाध्यक्ष दगडू तिगाडे, बालाजी चव्हाण, प्रमोद पोतदार, कमलाकर सिरसाठ, जयेश सुरवसे, शंकर मुळे, रहेमान मुल्ला, कल्याण ढगे यांच्यासह तालुक्यातील शक्तिकेंद्र प्रमुख, बूथ प्रमुख, प्रमुख पदाधिकारी उपस्थित होते.
