लोहारा पंचायत समितीत प्रशिक्षण कार्यशाळा

लोहारा पंचायत समितीच्या सभागृहात आमचा गाव आमचा विकास (जीपीडीपी) बाबत कार्यशाळेचे आयोजन करण्यात आले होते. या कार्यशाळेत यशदाच्या प्रशिक्षकांनी मार्गदर्शन करत प्रशिक्षण दिले.
आमचा गाव आमचा विकास (जीपीडीपी) सन २०२६-२७ या वित्तीय वर्षातील ग्रामपंचायत स्तरावर १६ व्या वित्त आयोग आराखडा तयार करण्याची कार्यवाही पंचायत समिती स्तरावर सरपंच/प्रशासक, प्रशासकीय समिती सदस्य, ग्रामपंचायत सदस्य, ग्रामपंचायत अधिकारी यांच्या कार्यशाळेचे उद्घाटन सभापती पल्लवीताई दादासाहेब जानकर यांच्या हस्ते पंचायत समितीच्या सभागृहात करण्यात आले. यावेळी गटविकास अधिकारी ओंकार गायकवाड, सहाय्यक गटविकास अधिकारी जगदेव वग्गे, गटशिक्षणाधिकारी शिवकुमार बिराजदार, पशुधन विकास अधिकारी डॉ. आकाश गुजेवाड, तालुका आरोग्य अधिकारी डॉ. सोमवंशी, विस्तार अधिकारी सतीश शटगार, पद्मराज गडदे, विठ्ठलसिंह राजपूत, बापू लोखंडे, सुमन जमादार यांच्यासह तालुक्यातील सरपंच, प्रशासक, ग्रामपंचायत अधिकारी, सदस्य ग्रामपंचायत उपस्थित होते. यावेळी यशदाचे प्रशिक्षक गंगागीर गिरी यांनी सर्वांना प्रशिक्षण दिले. यावेळी सभापती पल्लवी दादासाहेब जानकर, गटविकास अधिकारी ओंकार गायकवाड, शिवकुमार बिराजदार यांनी मार्गदर्शन केले. कार्यशाळेचे सूत्रसंचलन जगदेव वग्गे यांनी तर सतीश शटगार यांनी आभार मानले.