वार्तादूत – डिजिटल न्युज नेटवर्क
लोहारा तालुक्यातील भोसगा येथील धर्मवीर संभाजी विद्यालयातील विद्यार्थ्यांना जिल्हा परिषद उस्मानाबाद समाज कल्याण विभाग अंतर्गत २० टक्के सेस निधीमधून २०२२ -२३ मध्ये मागासवर्गीय पाचवी ते दहावीतील विद्यार्थ्यांना शंभर टक्के अनुदानावर विद्यालयातील सहा लाभार्थ्यांना सायकल वाटप करण्यात आले.
यावेळी विद्यालयाचे मुख्याध्यापक तानाजी साळुंके, मोहन शिंदे, व्ही.आर. गर्जे, एम.एच. जामगे, श्री. औरादे, श्री. जमादार, श्री. गायकवाड यांच्यासह शिक्षक, शिक्षकेतर कर्मचारी व लाभार्थी उपस्थित होते. यशवर्धन रमेश राठोड, गौरी रमेश राठोड, प्रथमेश गंगाराम रोहिणे, राजश्री भरत भुरे, प्रतीक्षा शंकर सोनकांबळे, निखिल दिगंबर गोसावी या सहा विद्यार्थ्यांना या योजनेचा लाभ मिळाला आहे. यावेळी भोसगा, दस्तापुर येथील पालक व विद्यार्थी उपस्थित होते. विद्यार्थ्यांना शाळेला येण्या-जाण्याची होणारी अडचण दूर झाल्याने सर्व पालकांनी समाधान व्यक्त केले.
