लोहारा तालुक्यातील कानेगाव येथे उभारण्यात येणाऱ्या पोलीस चौकीचे भूमिपूजन

लोहारा तालुक्यातील कानेगाव येथे उभारण्यात येणाऱ्या पोलीस चौकीचे भूमिपूजन करण्यात आले आहे.
लोहारा तालुक्यातील कानेगाव येथे पोलिस चौकी बांधकामासाठी निधी मंजुर करण्यात आला आहे. या पोलिस चौकी बांधकामाचे भूमिपूजन सोमवारी (दि.२२) लोहारा पोलिस ठाण्याचे पोलिस निरीक्षक अजित चिंतले यांच्या हस्ते करण्यात आले. यावेळी सार्वजनिक बांधकाम विभागाचे सहाय्यक अभियंता संतोषकुमार घोडके, सरपंच नामदेव लोभे, सहाय्यक पोलीस निरीक्षक सुरेश नरवडे, उपसरपंच आशा कदम, पोलिस पाटील सुखराज कदम, सेवानिवृत्त शाखा अभियंता राजेंद्र माळी, शाखा अभियंता मुकुंद शिंदे, पो.कॉ. ज्योतिराम भोजणे, हणमंत पापुलवार, व्यंकट वाकळे, मेहराज शेख यांच्यासह ग्रामस्थ उपस्थित होते. या गावात पोलिस चौकी व्हावी अशी अनेक नागरिकांची मागणी होती. याठिकाणी पोलीस चौकीचे भुमिपुजन झाल्याने नागरिकांतून समाधान व्यक्त करण्यात येत आहे.