लोहारा येथील दिवाणी न्यायालयात राष्ट्रीय लोकअदालत संपन्न

तालुका विधी सेवा समिती लोहारा (Lohara) व विधिज्ञ मंडळ लोहारा यांच्या संयुक्त विद्यमाने दिवाणी न्यायालय (court) लोहारा येथे रविवारी ( दि. ३) राष्ट्रीय लोकअदालतीचे आयोजन करण्यात आले होते.
दिवाणी न्यायाधीश एस. एस. कळसकर यांच्या अध्यक्षतेखाली ही राष्ट्रीय लोकअदालत घेण्यात आली. यावेळी सह दिवाणी न्यायाधीश पी. एस. बनकर उपस्थित होते. या लोकअदालतीमध्ये २५ दिवाणी प्रकरणे व ४१ फौजदारी प्रकरणे निकाली काढण्यात आली. त्यामध्ये एका नियमित दिवाणी प्रकरणामध्ये ५० हजार रुपये तडजोड रक्कम वसूल झाली. वादपूर्व प्रकरणामध्ये ग्रामपंचायत कर वसुली प्रकरणामध्ये एकूण २६,८२,८८७ रुपये वसूल झाले. भारतीय स्टेट बँक – वादपूर्व प्रकरणामध्ये ७,२४,००० रुपये रक्कम वसुल झाली. महाराष्ट्र ग्रामीण बँक शाखा लोहारा वादपूर्ण प्रकरणामध्ये २,१०,२१० रुपये वसुल झाले. तर नगर पंचायत लोहारा वादपूर्व प्रकरणामध्ये १२,४०,७९० रुपये वसुल झाले.
फौजदारी प्रकरणामध्ये ५८०० रुपये दंड वसुल झाला. या राष्ट्रीय लोकअदालतीमध्ये विधीज्ञ डी. बी. जाधव, दादासाहेब पाटील, एस. एन. बादुले, ए. ए. कुलकर्णी, डी.एस. जानकर, एम. यू. जट्टे, आर बी. जाधव, टी. एस. मोरे, बी. के. भुजबळ, एस. जी. पनूरे एम. एस. वचणे, एस आर. अडसूळे, डी. एम. जाधव, एम. डी. घवाळे, व्ही. व्ही. गुंड यांच्यासह इतर विधीज्ञ, सर्व न्यायालय कर्मचारी, पक्षकार उपस्थित होते.