महात्मा बसवेश्वर महाराज (mahatma basaveshwar maharaj) जयंती उत्सव समितीच्या अध्यक्षपदी सागर मल्लिकार्जुन पाटील, उपाध्यक्षपदी गणेश कमलापुरे, सचिवपदी वीर फावडे, सहसचिव गणेश पालके यांची सर्वानुमते निवड करण्यात आली.
लोहारा (lohara) शहरात दरवर्षी महात्मा बसवेश्वर महाराज जयंती मोठ्या उत्साहात साजरी करण्यात येते. जयंतीच्या नियोजनासाठी बैठक घेण्यात आली. यंदाही जयंती विविध सामाजिक उपक्रमांनी साजरी करण्याचे या बैठकीत ठरविण्यात आले. दि. १ मे रोजी महात्मा बसवेश्वर मंदिरात माजी सरपंच नागण्णा वकील यांच्या अध्यक्षतेखाली बैठक पार पडली. दि.१० मे रोजी ध्वजपूजन, प्रतिमापूजन तसेच पुढील ३ दिवसात किर्तन, सामान्य ज्ञान परीक्षा, मिरवणूक आदी कार्यक्रम आयोजित करण्यात येणार आहेत.
या बैठकीत जयंती उत्सव समितीची कार्यकारिणी जाहीर करण्यात आली. यात जयंती उत्सव समितीच्या अध्यक्षपदी सागर मल्लिकार्जुन पाटील, उपाध्यक्षपदी गणेश कमलापुरे, सचिवपदी वीर फावडे, सहसचिव गणेश पालके यांची सर्वानुमते निवड करण्यात आली. तसेच कोषाध्यक्ष पदी रोहित नारायणकर, मिरवणूक प्रमुख अमोल बिराजदार, ओम पाटील, संतोष फावडे, मीडिया प्रमुख गणेश खबोले तर सदस्य म्हणून शंकर जट्टे, जालिंदर कोकणे, के.डी. पाटील, सुधाकर मुळे, हरी लोखंडे, कपिल माशाळकर, सचिन तोडकरी, सचिन स्वामी, वैभव होंडराव, संभाजी जवादे, श्रीकांत बोराळे, समर्थ कुंभार यांची सर्वानुमते निवड करण्यात आली.
या बैठकीला दत्ता बिराजदार, शरणाप्पा जट्टे, पंचय्या स्वामी, बंडप्पा वैरागकर, विकास होंडराव, कैलास मणिकशेट्टी, शिवानंद माशाळकर, बलू स्वामी, बालाजी बिराजदार, वैजीनाथ जट्टे, चिदानंद जट्टे, रमेश ठेले, सतीश जट्टे, वैजीनाथ माणिकशेट्टी, ओम कोरे, मल्लिकार्जुन कलशेट्टी, दयानंद मिटकरी, विरेश स्वामी, शशांक पाटील, प्रसाद मिटकरी, ओंकार घोंगडे, ओमकार बिराजदार, राजु स्वामी, महेश कुंभार, सुमित फावडे, अमित बोराळे, रामेश्वर मिटकरी, गणेश कोप्पा यांच्यासह नागरिक उपस्थित होते.