भोसगा येथील सुशांत जाधव हा विद्यार्थी पाचवी शिष्यवृत्ती (scholarship) परीक्षेत पात्र झाला आहे. यानिमित्त त्याचा शाळेत सत्कार करण्यात आला.
लोहारा (lohara) तालुक्यातील भोसगा येथील जिल्हा परिषद प्राथमिक शाळेतील विद्यार्थी दरवर्षी ५ वी शिष्यवृत्ती परीक्षेत पात्र होत असतात. याही वर्षीच्या परिक्षेत शिक्षकांच्या अचूक मार्गदर्शनाने व विद्यार्थ्यांच्या अथक परिश्रमाने सुशांत पवन चव्हाण हा विद्यार्थी शिष्यवृत्ती परीक्षेत पात्र झाला. या विद्यार्थ्यास पदवीधर शिक्षक एस. के. चिनगुंडे, एस. आर. डावरे, एस. एस. भोसले, एम. पी. गायकवाड, डी. बी. कांबळे आदींनी मार्गदर्शन केले. यानिमित्त १ मे महाराष्ट्र दिनाचे औचित्य साधून सुशांतचा पालकासमवेत सत्कार करण्यात आला. यावेळी आष्टाकासार केंद्राचे केंद्रप्रमुख तथा भोसगा शाळेचे मुख्याध्यापक एम. एम. डोखले, शाळा व्यवस्थापन समिती, पालक व भोसगा गावातील ग्रामस्थ उपस्थित होते. या कार्यक्रमाचे सूत्रसंचालन शिक्षक एस. के. चिनगुंडे यांनी तर मुख्याध्यापक एम. एम.डोखले यांनी आभार मानले.
