लोहारा खुर्द येथे बीबीएफ पेरणी यंत्रधारक शेतकऱ्यांचे प्रशिक्षण

तालुक्यातील लोहारा (खुर्द) येथे मंगळवारी (दि.१४) खरीप हंगाम पूर्व प्रशिक्षण कार्यक्रमांतर्गत बीबीएफ पेरणी यंत्र धारक शेतकऱ्यांचे तसेच ट्रॅक्टर चालक व मालक यांचे दुसरे प्रशिक्षण घेण्यात आले.
यावेळी तालुका कृषी अधिकारी महेश देवकाते यांनी बीजप्रक्रिया, हुमनी कीड नियंत्रण व खरिप हंगामातील प्रमुख पिकाविषयी मार्गदर्शन केले. कृषी अधिकारी दत्तात्रय पाटील यांनी वाळवी कीड नियंत्रण विषयी मार्गदर्शन केले. मंडळ कृषी अधिकारी शिवाजी ताराळकर, कृषी पर्यवेक्षक एम.एम. माळकुंजे यांनी बी.बी. एफ. पेरणी, बियाणे उगवणशक्ती तपासणी, हुमणी कीड नियंत्रण विषयक मार्गदर्शन केले. कृषी सहाय्यक एन.बी.पाटील यांनी बीबीएफ पेरणी यंत्रद्वारे पेरणी करण्याचे फायदे त्याचप्रमाणे बीबीएफ पेरणी यंत्राद्वारे पेरणी करताना शेतकऱ्यांना येणाऱ्या अडचणी तसेच बीबीएफ पेरणी यंत्र जोडणी याविषयी मार्गदर्शन केले.
यावेळी कृषी विभागाच्या वतीने उपस्थित शेतकऱ्यांना मुख्यमंत्री शाश्वत कृषी सिंचन योजनेअंतर्गत वैयक्तिक शेततळे , महाडीबीटी मध्ये ऑनलाईन अर्ज करणे, एम.आर.इ.जी.एस. अंतर्गत फळबाग लागवड अर्ज सादर करणे, गोगलगायीचे एकात्मिक आणि सामूहिक नियंत्रण याविषयी सखोल मार्गदर्शन केले. यावेळी शेतकरी, प्रगतशील शेतकरी, सरपंच सचिन रसाळ, पोलीस पाटील बिरदेव सूर्यवंशी, ग्रामपंचायत सदस्य सचिन रसाळ, हनुमंत सूर्यवंशी, गणेश पाटील, द्राक्ष बागायतदार नितीन रसाळ, अरुण रसाळ, बालाजी रसाळ, खंडू रसाळ, संजय मूटे, विकास पाटील, बळीराम रसाळ, अजय रसाळ, योगेश पाटील, संजय कारभारी अर्जुन रसाळ, हनुमंत रसाळ, हनुमंत सूर्यवंशी, दत्ता गाढवे, वैष्णव लोखंडे, संजय मुरटे, लक्ष्मीबाई रसाळ, केसरबाई कांबळे, रोहन जमादार आदी उपस्थित होते.