ज्ञानोबा माऊली तुकाराम, पंढरीनाथ महाराज की जयच्या नामघोषात न्यू व्हिजनच्या बाल वारकऱ्यांची निघाली दिंडी

आषाढी एकादशी निमित्त लोहारा येथील न्यू व्हिजन इंग्लिश स्कूलमध्ये शनिवारी (दि.२५) दिंडी सोहळा आयोजित करण्यात आला होता. या दिंडीत सहभागी विद्यार्थ्यांनी पर्यावरण संवर्धनाचा सामाजिक संदेश दिला.
या दिंडीतील पालखीची मनोभावे पूजा व उद्घाटन लोहाराचे तहसीलदार रणजितसिंह कोळेकर दांपत्यानी केली. यावेळी

प्रमुख अतिथी म्हणून लोहारा नगरपंचायतच्या नगरसेविका आरती कोरे, जनकल्याण समितीचे शंकर जाधव, स्कूलचे प्राचार्य शहाजी जाधव, संचालिका सविता जाधव, वजीर अत्तार आदी मान्यवर उपस्थित होते. याप्रसंगी स्कूलमधील बाल वारकऱ्यांनी विठूचा गजर हरिनामाचा, माऊली माऊली, या पंढरपुरात कसं वाजतं गाजतं, विठ्ठल विठ्ठल विठ्ठला या गीतावर बहारदार नृत्य सादर केली. यानंतर दिंडी सोहळा, रिंगण सोहळा, पार पडला. यात महिला शिक्षकांनी फुगडीचा आणि पाऊल खेळण्याचा आनंद घेतला. ही दिंडी न्यू व्हिजन इंग्लिश स्कूलपासून तहसिल कार्यालयापर्यंत काढण्यात आली. या दिंडीमध्ये जन, जल, जंगल, जमीन असा पर्यावरण संवर्धनपूरक सामाजिक संदेशही देण्यात आला. शेवटी दिंडीतील सर्व बाल वारकऱ्यांना कोळेकर दांपत्यानी खाऊचे वाटप केले. या दिंडीमध्ये मीरा माने, दिपिका देशमुख, वैशाली गोरे, सुलोचना वकिल, सुलक्षणा जाधव, सानिया कोरे, सुहास पवार, गोविंद शिवकर, लखन चव्हाण यांच्यासह पालक व विद्यार्थी सहभागी झाले होते.