लोहारा येथील जिल्हा परिषद शाळेत इयत्ता पहिलीच्या विद्यार्थ्यांचा प्रवेशोत्सव व नवागत विद्यार्थ्यांचे स्वागत, पाठ्यपुस्तक वितरण

लोहारा येथील जिल्हा परिषद केंद्रीय प्राथमिक शाळेतील इयत्ता पहिलीच्या विद्यार्थ्यांचे गुलाब पुष्प देऊन स्वागत करण्यात आले. तसेच सर्व विद्यार्थ्यांना पाठ्यपुस्तकाचे वितरण मान्यवरांचे हस्ते करण्यात आले.
पहिल्याच दिवशी शाळेला भेट देण्यासाठी गटविकास अधिकारी ओंकार गायकवाड उपस्थित होते. शाळेत प्रवेशोत्सव कार्यक्रम आयोजित करण्यात आला होता. या कार्यक्रमाच्या अध्यक्षस्थानी शाळा व्यवस्थापन समिती अध्यक्ष हरी लोखंडे होते. गटविकास अधिकारी ओंकार गायकवाड, शाळा व्यवस्थापन समिती उपाध्यक्ष अमीर हमजा खुटेपड, सदस्य जसवंतसिंह बायस, ज्योती स्वामी, सुनीता लोहार, बाबा शेख, दादा मुल्ला, पत्रकार अब्बास शेख, गिरीश भगत, गणेश खबोले, मुख्याध्यापक दत्तात्रय फावडे यांची प्रमुख उपस्थिती होती. कार्यक्रमाच्या प्रास्ताविकामध्ये जसवंतसिंह बायस यांनी शाळेच्या एकूण कामकाजाची माहिती दिली. शाळेमध्ये असणाऱ्या भौतिक सुविधा, वर्षभर घेण्यात येत असणारे सहशालेय उपक्रम, गुणवत्ता याविषयी माहिती दिली. गटविकास अधिकारी गायकवाड यांनी स्पर्धा परीक्षा, गणित, विज्ञान, सांस्कृतिक कार्यक्रम यामध्ये सर्व विद्यार्थ्यांनी सहभाग घ्यावा, पालकांनी मुलांना मोबाईल वापरण्यास देऊ नये असे सांगितले.
नवागत इयत्ता पहिलीच्या सर्व विद्यार्थ्यांना गुलाब पुष्प

देऊन पाठ्यपुस्तके वितरण करून व त्यांना गोड शिरा खाऊ देण्यात आला. शाळेच्या पहिल्याच दिवशी दुपारच्या भोजनामध्ये सर्व मुलांना गोड पदार्थ म्हणून शिरा वाटप करण्यात आला. आजच्या दिवशी फुगे लावून व इतर साहित्य वापरून शाळेची सजावट करण्यात आली. कार्यक्रमाचे सूत्रसंचालन सूर्यकांत पांढरे यांनी तर बालाजी मक्तेदार यांनी आभार मानले. या कार्यक्रमाच्या यशस्वीतेसाठी सुरेश अंबुरे, संजय संदिकर, बालाजी यादव, अण्णाराव पांढरे, अनंत सुतार, संतोष माळवदकर, रमेश बनसोडे, आयुब तांबोळी, शफिक गवंडी, प्रमोद सरवदे, दयानंद क्षीरसागर, संजय बोरसुने, रेखा नारायणकर, सुरेखा कंठीकर, उषा बर्डे, यास्मिन तांबोळी, अर्चना साखरे, परवीन पठाण, तसेच कलाशिक्षक उमेश गिराम, क्रीडा शिक्षक खंडू शिवकर, कार्यानुभव शिक्षक चिदानंद जट्टे व सेवक विकास कोकणे यांनी परिश्रम घेतले. या कार्यक्रमासाठी पालक, माता भगिनी उपस्थित होते. कार्यक्रमाची सांगता राज्यगीताने करण्यात आली.