लोहारा शहरातील ज्ञानज्योती महिला पतसंस्थेच्या चेअरमन पदी युवती सेना मराठवाडा निरीक्षक ॲड. आकांक्षा ज्ञानराज चौगुले व व्हाईस चेअरमनपदी सारिका प्रमोद बंगले यांची बिनविरोध निवड करण्यात आली.
लोहारा शहरातील ज्ञानज्योती महिला पतसंस्थेच्या संचालक मंडळाची २०२५ – ३० साठी बिनविरोध निवड झाल्यामुळे चेअरमन व व्हाईस चेअरमन यांच्या निवडीसाठी शहरातील ज्ञानज्योती महिला पतसंस्थेच्या कार्यालयात सहाय्यक निबंधक तथा अध्यासी अधिकारी प्रसाद कुलकर्णी यांच्या अध्यक्षतेखाली दि. २ मे रोजी संचालक मंडळाची बैठक घेण्यात आली. चेअरमन पदासाठी ॲड. आकांक्षा चौगुले यांचा एकमेव अर्ज दाखल झाला. चेअरमन पदासाठी संचालिका तथा नगराध्यक्षा वैशाली खराडे या सूचक तर नगरसेविका सुमन रोडगे यांनी अनुमोदन दिले. व्हाईस चेअरमन पदासाठी सारिका बंगले यांचा एकमेव अर्ज दाखल झाला. व्हाईस चेअरमन पदासाठी संचालिका मनिषा शिंदे या सूचक तर संचालिका मुक्ताताई राजेंद्र भोजने यांनी अनुमोदन दिले. चेअरमन व व्हाईस चेअरमन पदासाठी प्रत्येकी एक अर्ज दाखल झाल्याने अध्यासी अधिकारी प्रसाद कुलकर्णी यांनी बिनविरोध निवड झाल्याचे जाहिर केले. या निवडीनंतर शहरातील डॉ. बाबासाहेब आंबेडकर चौकातील शिवसेना संपर्क कार्यालयात चेअरमन, व्हाईस चेअरमन, सचिव, संचालिका यांचा लोहारा तालुका शिवसेना व पतसंस्थेच्या वतीने सत्कार करण्यात आला. यावेळी युवती सेना मराठवाडा निरीक्षक तथा पतसंस्थेच्या चेअरमन ॲड.आकांक्षा चौगुले, शिवसेना तालुका प्रमुख जगन्नाथ पाटील, नगराध्यक्षा वैशाली खराडे, उपनगराध्यक्ष अमिन सुंबेकर, व्हाईस चेअरमन सारिका बंगले, माजी गटनेते अभिमान खराडे, नगरसेवक अविनाश माळी, शिवसेना नेते राजेंद्र माळी, संस्थेच्या सचिव मिरा माळी, संचालिका मुक्ताताई राजेंद्र भोजणे, संचालिका सुमन दिपक रोडगे, संचालिका देवकन्या आप्पासाहेब पाटील, संचालिका मुमताज अमिन सुंबेकर, नगरसेविका शामल माळी, शिवसेना जिल्हा उप प्रमुख शब्बीर गवंडी, पं.सं. माजी सदस्य दिपक रोडगे, सदानंद शिवदे पाटील, माजी नगरसेवक आयुब अब्दुल शेख, इकबाल मुल्ला यांच्यासह पतसंस्थेचे शाखा व्यवस्थापक भागवत पवार, बालाजी जगदाळे, राजश्री घंटे, अनुक्षा पाटील, आनिकेत कदम, नयुम सवार, सचिन करे, शुभम सुरवसे, मारुती कोकरे, श्रीकांत बिराजदार आदी उपस्थित होते.
