लोहारा (Lohara) शहरातील किंग कोब्रा गणेश मंडळाच्या वतीने गणेशोत्सव (Ganeshotsav) कालावधीत विविध स्पर्धा घेण्यात आल्या होत्या. या स्पर्धेतील विजेत्यांना मंगळवारी (दि. १७) मान्यवरांच्या हस्ते बक्षीस वितरण करण्यात आले.
लोहारा शहरातील किंग कोब्रा गणेश मंडळाच्या वतीने दरवर्षी गणेशोत्सव साजरा करण्यात येतो. या दरम्यान विविध स्पर्धा, उपक्रमांचे आयोजन करण्यात येते. यावर्षीही गणेशोत्सव काळात विविध स्पर्धा घेण्यात आल्या. यात सामान्य ज्ञान व प्रश्नमंजुषा स्पर्धा आयोजित करण्यात आल्या होत्या. याया स्पर्धेतील विजेत्यांना मान्यवरांच्या हस्ते बक्षीस वितरण करण्यात आले. तसेच पुण्यातील नामांकित इंजीनियरिंग कॉलेजला निवड झालेल्या विद्यार्थ्यांचाही गुणगौरव सोहळा आयोजित करण्यात आला होता. सामान्य ज्ञान स्पर्धेमध्ये चार ग्रुप केले होते. सातवी, आठवी, नववी आणि दहावी प्रत्येक वर्गातून प्रथम, द्वितीय व तृतीय क्रमांक काढले होते. त्यानुसार बक्षीस वितरण करण्यात आले. तसेच प्रश्नमंजुषा स्पर्धा पाचवी ते दहावी वर्गासाठी घेण्यात आली. या स्पर्धेतील विजेत्यांना बक्षीस वितरण करण्यात आले. तसेच पुण्यातील नामांकित इंजिनिअरिंग कॉलेजला प्रवेश झालेल्या विद्यार्थ्यांना मेडल, पुष्पगुच्छ देऊन त्यांचाही सत्कार करण्यात आला. या कार्यक्रमाला कोब्रा बहुद्देशीय सामाजिक संस्था, किंग कोब्रा गणेश मंडळाचे पदाधिकारी, सदस्य उपस्थित होते. या कार्यक्रमाचे सूत्रसंचालन व्यंकट चिकटे यांनी केले.
