भातागळी येथील स्वराज्य ग्रुपच्या वतीने सन्मान सोहळा; नव्याने शासकीय सेवेत रुजू झालेल्यांचा आ. चौगुले यांच्या हस्ते सन्मान

लोहारा तालुक्यातील भातागळी येथील स्वराज्य ग्रुपच्या वतीने शुक्रवारी (दि.१३) सन्मान सोहळा आयोजित करण्यात आला होता. यावेळी आ. ज्ञानराज चौगुले यांच्या हस्ते अनेक युवकांचा सन्मान करण्यात आला.
तालुक्यातील भातागळी येथील स्वराज्य ग्रुपचे पदाधिकारी सार्वजनिक गणेशोत्सव सोहळा मोठ्या उत्साहात साजरा करीत आहेत. गणेशोत्सवा निमित्त यावर्षी गावातील सामाजिक कार्यात अग्रेसर असणाऱ्या व्यक्तींचा तसेच नव्याने शासकीय सेवेत रुजू झालेल्या विद्यार्थ्यांचा \”सन्मान सोहळा\” शुक्रवारी (दि.१३) आयोजित करण्यात आला होता. यावेळी लोहारा – उमरगा तालुक्याचे आमदार ज्ञानराज चौगुले यांच्या हस्ते सामाजिक कार्य केलेल्या व्यक्ती व नव्याने शासकीय सेवेत रुजू झालेल्या युवकांचा सन्मान करण्यात आला. यामध्ये कामधेनू सेवा परिवार शाखा भातागळी हे ह्या पहिल्या सन्मान सोहळ्याचे मानकरी ठरले आहेत. तसेच महेश इंगळे (रत्नागिरी जिल्ह्यात प्राथमिक शिक्षक), विश्वजित काजळे (अमरावती ग्रामीण पोलीस), प्रांजली आनंदगावकर (अभियंता जिल्हा परिषद धाराशिव), शुभांगी कांबळे (होमगार्ड) म्हणून निवड झाल्याबद्दल सन्मान करण्यात आला.
यावेळी स्वराज ग्रुपचे मार्गदर्शक उपसरपंच हनुमंत कारभारी, तानाजी आनंदगावकर, प्रविण पाटील, उत्तम सुरवसे, स्वराज्य ग्रुपचे संस्थापक अध्यक्ष पृथ्वीराज जगताप, महादेव आनंदगावकर, महादेव जगताप, कैलास इंगळे, अनंत पोतदार, प्रशांत अभंगराव, महेश इंगळे, सचिन जगताप, अजित यादव, बळवंत आनंदगावकर, प्रभू खोत, प्रवीण जगताप, नाना समदळे, पवन जगताप, सुधाकर साठे, बाळासाहेब आनंदगावकर, धनंजय शिंदे, राहुल सुरवसे, प्रतिक आनंदगावकर यांच्यासह स्वराज्य ग्रुपचे सदस्य उपस्थित होते.