अयोध्यातून आलेल्या अक्षता कलशाची जेवळी येथे शोभायात्रा

अयोध्येतील (Ayodhya) भव्य मंदिरात श्री प्रभू रामचंद्राच्या मृर्तीची प्राणप्रतिष्ठा होत आहे. यानिमित्ताने अयोध्यातून आलेल्या अक्षता कलशाची तालुक्यातील जेवळी गावातून शोभायात्रा काढण्यात आली. याप्रसंगी परिसरातील भाविक भक्तांच्या मोठ्या प्रमाणात सहभागाने गावात भक्तिमय वातावरण निर्माण झाले होते.
अयोध्येतील भव्य मंदिरात २२ जानेवारीला श्री प्रभू रामचंद्रांच्या मूर्तीचे प्राणप्रतिष्ठापणा सोहळा पार पडत आहे. त्यानिमित्ताने अयोध्या येथून अभिमंत्रित होऊन आलेल्या अक्षता कलशाचे मंगळवारी तालुक्यातील जेवळी येथे शोभायात्रा काढण्यात आली. या शोभायात्रेत जेवळीसह दक्षिण जेवळी, रुद्रवाडी, हिप्परगा (सय्यद), तुगाव, मोघा, फनेपूर, वडगाव, भोसगा आदी गावातील भजनी दिंड्या सहभागी झाल्या होत्या. यावेळी भगवे पताके, श्रीरामाचा उल्लेख केलेले उपरणे व डोक्यावर टोप्या घालून भाविक मोठ्या प्रमाणात सहभागी झाल्याने गाव भक्तीमय व भगवेमय झाले होते. यावेळी ठिकठिकाणी घरासमोर सडा- रांगोळी घालून या अक्षता कलश दिंडीचे नागरिकांनी उत्साहात स्वागत केले. यावेळी विद्यार्थ्यांनी रथावर आरूढ झालेले श्रीराम सीता बरोबरच रामायणातील विविध व्यक्तिरेखा साकारली होती.

याप्रसंगी परिसरातील भाविक भक्त मोठ्या प्रमाणात सहभागी झाले होते. या अक्षता कलश दिंडीचा शुभारंभ उपसरपंच बसवराज कारभारी यांच्या हस्ते करण्यात आला. यावेळी शिवसेना जिल्हाप्रमुख मोहन पणुरे, भाजपाचे तालुकाध्यक्ष शिवशंकर हत्तरगे, तालुका उपाध्यक्ष शिवाजी दंडगुले, माजी उपसरपंच भोजप्पा कारभारी, सुभाष बिराजदार, युवा सेनेचे तालुका उपप्रमुख शिवराज चिनगुंडे, कॉंग्रेस ओबीसी सेलचे जिल्हाध्यक्ष दत्तात्रय गाडेकर, ग्रा. पं. सदस्य नागेश पणुरे, महादेव कारभारी, सुरेश दंडगुले आदींची उपस्थिती होती. यावेळी गावात घरोघरी जाऊन अक्षता, श्रीराम फोटो आणि पत्रांचे वाटप करण्यात आले. शेवटी येथील श्री गुरु सिद्धेश्वर विरक्त मठात या दिंडीची समारोप झाला. उपस्थित भाविक भक्तांना सुभाष मडोळे यांच्याकडून महाप्रसाद देण्यात आला. यावेळी जेवळी येथील कारसेवक परमेश्वर तोरकडे, सुरेश भुसाप्पा, सुधीर कोरे व सहभागी भजनी मंडळींचे मठाधीश म.नी.प्र श्री गुरु गंगाधर महास्वामीजी यांच्या हस्ते सत्कार करण्यात आला. यावेळी वैजीनाथ पाटील, हभप कमलाकर कोळी, हभप हरी गाडेकर, चंद्रकांत ढोबळे, सिद्राम भुसाप्पा, आणप्पा बिराजदार, महेश सुरवसे, सत्तेवर ढोबळे, रवी घोडके, रविराज सोळसे, पृथ्वीराज कारभारी, शिवाजी फुलसुंदर, शहाजी जाधव, दत्तात्रय पोतदार, युवराज जाधव, जगदीश बेडगे, मनोहर माळी, संजय पोतदार, वैजीनाथ सोळसे, रोहीत कारभारी, रमेश मुरमे, महादेव हावळे, भीमाशंकर कलशेट्टी, अनिल भैरप्पा आदी

उपस्थित होते. या कार्यक्रमासाठी अरूण हावळे, किशोर होनाजे, बालाजी चव्हाण, श्रीशैल बिराजदार, सुधीर कोरे, वैजीनाथ होनाजे, सुरेश डिग्गे, शैलेश नकाशे, नंदकुमार वेदपाठक, चेतन शिंदे, शंकर साखरे आदींनी परिश्रम घेतले.