न्यू व्हिजन इंग्लिश स्कूलमध्ये रेंबो विक सेलिब्रेशन

लोहारा येथील न्यू व्हिजन इंग्लिश स्कूलमध्ये \” रेंबो विक \” सेलिब्रेशन निमित्त दिनांक २५ ते ३० डिसेंबर दरम्यान विद्यार्थ्यांच्या सर्वांगीण विकासासाठी सुंदर हस्ताक्षर, चित्रकला, श्लोक, पाढे पाठांतर, स्वीट सॅटर्डे, प्रश्न मंजुषा स्पर्धा संपन्न झाल्या.
या कार्यक्रमाचे उद्घाटन लोहारा गटशिक्षण कार्यालयाचे गटशिक्षण अधिकारी सुभाष चव्हाण यांच्या हस्ते करण्यात आले. याप्रसंगी मंचावर स्कुलचे प्राचार्य शहाजी जाधव, संगणक तज्ञ नयन शेख, परीक्षक म्हणून दत्ताची जावळे पाटील आदी मान्यवर उपस्थित होते. कार्यक्रमाचे प्रास्ताविक सविता जाधव यांनी केले. यावेळी उपस्थित विध्यार्थी व शिक्षकांना मार्गदर्शन करताना सुभाष चव्हाण म्हणाले की, विद्यार्थ्यांना शिक्षकांनी त्यांच्या कलेने शिकवावे, जेणेकरून प्रत्येक विध्यार्थ्याची विचार व कल्पना शक्तीला वाव मिळतो. तसेच त्यांना स्वतःचे विचार प्रकट करायला व उत्तर शोधायला सक्षम बनवण्याची ताकत मिळेल. यामुळे त्यांचा आत्मविश्वास वाढेल आणि त्यांना ज्या विषयात जास्त रस व आवड आहे. त्यामध्ये तो निपुण बनून नवनवीन प्रयोग व शोध लावण्यासाठी संधी उपलब्ध करून द्यावी. प्रश्न मंजुषा स्पर्धेमध्ये इयत्ता चौथी ते आठवी वर्गातील विद्यार्थी गुलाब, मोगरा, चाफा, कमळ, जाई, झेंडू या ६ गटामध्ये सहभागी झाले होते. या स्पर्धेत ७५ गुण मिळवून कमळ गटाने प्रथम, ४५ गुण मिळवून मोगरा गटाने द्वितीय आणि ३५ गुण मिळवून चाफा गटाने तृतीय क्रमांक मिळवला. या प्रश्न मंजुषा स्पर्धेचे परिक्षक म्हणून अतिशय पारदर्शकपणे वसंतदादा पाटील हायस्कुलचे शिक्षक दत्ताजी जावळे पाटील यांनी काम पाहिले. कार्यक्रमाचे सूत्रसंचालन प्रा. यशवंत चंदनशिवे यांनी तर सिद्धेश्वर सुरवसे यांनी आभार मानले.