लोहारा (lohara) शहरातील भानुदासराव चव्हाण महाविद्यालयात बी. ए. तृतीय वर्षातील (मुक्त विद्यापीठ) विद्यार्थिनी कु. धनश्री सुभाष रणखांब हिची एसइबीसी प्रवर्गातून अमरावती ग्रामीण पोलीस (police) पदी निवड झाली आहे. तिची आई ही मोलमजुरी करते. धनश्री इ. ३ री मध्ये असताना वडिलांचे छत्र हरपलेले होते. अशा बिकट परिस्थितीवर मात करत व कठोर परिश्रम घेत धनश्री ने हे यश संपादन केले आहे. मराठवाडा शिक्षण प्रसारक मंडळाचे मातोळा येथील क्रांतिवीर दत्तोबा भोसले डिफेन्स अकॅडेमीमध्ये तिने प्रशिक्षण घेतले. या ठिकाणी मुलींना मोफत प्रशिक्षण दिले जाते. त्यामुळे हे यश संपादन करता आले अशी भावना कु. धनश्री हिने तिच्या मनोगतात व्यक्त केल्या. तिच्या या यशाबद्दल संस्थेचे सरचिटणीस आमदार सतीश चव्हाण, संस्थेचे केंद्रीय कार्यकारिणी मंडळाचे सदस्य विवेकानंद भोसले यांनी अभिनंदन केले.
