प्रतीक्षा संपली ! बारावी बोर्ड परीक्षेचा निकाल उद्या जाहीर होणार

महाराष्ट्र राज्य ( maharashtra state) माध्यमिक व उच्च माध्यमिक शिक्षण मंडळाने बारावी परीक्षेच्या (HSC) निकालाची (Result) तारीख जाहीर केली आहे. मंगळवारी (दि.२१) म्हणजेच उद्या दुपारी एक वाजता बारावी परीक्षेचा निकाल जाहीर करण्यात येणार आहे.
महाराष्ट्र राज्य माध्यमिक व उच्च माध्यमिक शिक्षण मंडळाने घेतलेल्या बारावी परीक्षेच्या निकाल कधी जाहीर होणार याकडे सर्वांचेच लक्ष लागले होते. अखेर महाराष्ट्र बोर्डाने बारावी बोर्डाच्या परीक्षेच्या निकालाची तारीख जाहीर केली आहे. महाराष्ट्र राज्य माध्यमिक आणि उच्च माध्यमिक शिक्षण मंडळातर्फे लवकरच उच्च माध्यमिक प्रमाणपत्र परीक्षा म्हणजे बारावीचा निकाल उद्या मंगळवारी २१ मे रोजी जाहीर करण्यात येणार आहे. महाराष्ट्र बोर्डाकडून याबद्दलची अधिकृत घोषणा करण्यात आली आहे. विद्यार्थ्यांना mahresult.nic.in, mahahsscboard.in या वेबसाईटवर निकाल पाहता येणार आहे अशी माहिती यावेळी देण्यात आली आहे.