एकोंडी (लो) शाळेतील रुद्र सूर्यवंशी याची नासा परीक्षेसाठी निवड

लोहारा तालुक्यातील एकोंडी (लो) जिल्हा परिषद प्राथमिक शाळेतील इ. सहावी वर्गातील रुद्र संदीपान सूर्यवंशी याची नासा परीक्षेसाठी निवड झाल्याबद्दल त्याचे सर्व स्तरातून अभिनंदन व कौतुक होत आहे.
रुद्रने आपल्या मेहनतीने, जिद्दीने आणि अभ्यासातील सातत्याने हे यश संपादन केले आहे. त्याच्या या उल्लेखनीय कामगिरीमुळे पालक, शिक्षक शाळेचे आणि गावाचे नाव उज्ज्वल झाले आहे. त्याच्या या यशाबद्दल पालक, शिक्षक, मित्रपरिवार व शिक्षणप्रेमी नागरिकांकडून अभिनंदनाचा वर्षाव होत असून भविष्यातील शैक्षणिक वाटचालीसाठी त्याला मनःपूर्वक शुभेच्छा देण्यात येत आहेत. रुद्रला मार्गदर्शक म्हणून मुख्याध्यापक डी.एन. आयलाने, शिक्षिका एस. एम. मलकलपट्टे, व्हि. आर. सूर्यवंशी, पी.एस. गुडले, पी. के. येदले यांनी मार्गदर्शन केले. या यशाबद्दल लोहारा गटशिक्षणाधिकारी शिवकुमार बिराजदार, एकोंडी गावातील सर्व ग्रामस्थ यांनी अभिनंदन केले आहे.