जेवळी (दक्षिण) येथील महादेव राजकुमार कारभारी यांची शिवा संघटनेच्या लोहारा तालुकाध्यक्षपदी निवड

वार्तादूत – डिजिटल न्युज नेटवर्क
लोहारा तालुक्यातील जेवळी (दक्षिण) येथील सामाजिक कार्यकर्ते, शिवबसव सामाजिक बहूद्देशीय संस्थेचे अध्यक्ष महादेव राजकुमार कारभारी यांची शिवा लिंगायत युवक संघटना, लोहारा तालुका अध्यक्षपदी निवड करण्यात आली आहे.उस्मानाबाद येथे मंगळवारी (दि. ३१) संघटनेची बैठक आयोजित करण्यात आली होती. या बैठकीत लोहारा तालुक्यातील जेवळी (दक्षिण) येथील महादेव राजकुमार कारभारी यांची लोहारा तालुकाध्यक्ष पदी निवड करण्यात आली. संघटनेचे जिल्हा संपर्क प्रमुख सतीश कानडे व राज्य सचिव विठ्ठल खरे यांच्या हस्ते कारभारी यांना नियुक्ती पत्र देण्यात आले. यावेळी मल्लिनाथ सारणे, गणेश घोडके, नागेश निर्मळे, सागर शेरकर, वैजिनाथ कारभारी, आकाश पाटील, काशिनाथ लकडे यांची उपस्थिती होती.