उमरगा तालुक्यातील कसगी गावात सातलिंग स्वामींचा सत्कार – कसगी आणि कसगीवाडी ग्रामस्थानी केला भव्य सत्कार

उमरगा तालुक्यातील कसगी आणि कसगीवाडी ग्रामस्थानी शुक्रवारी ( दि. 4 ऑगस्ट ) सायंकाळी माजी मंत्री बच्चू कडू यांचे स्वीय सहाय्यक सातलिंग स्वामींचा जंगी स्वागत तथा सत्कार केला. दरम्यान सातलिंग स्वामींनी ग्रामस्थांशी सुसंवाद साधत अडचणी जाणून घेतल्या.
उमरगा तालुक्यातील कसगी आणि कसगीवाडी येथील ग्रामस्थ्यांच्या अडीअडचणी केवळ फोन वर प्राप्त होताच त्या आपल्या परीने पाठपुरावा करून प्रश्न मार्गी लावल्याने येथील ग्रामस्थ एकत्र येत सातलिंग स्वामींचा कसगी गावात बँड बाजाच्या गजरात फटाक्यांची अतिषबाजी करीत जंगी स्वागत करत येथील ग्रामदैवत श्री सिद्धेश्वर मंदिराच्या सभागृहात सत्कार केला. यावेळी महिला, पुरुष, शालेय विद्यार्थी, शेतकरी, कामगार, व्यापारी आणि गावातील प्रतिष्ठित नागरिक मोठ्या संख्येने उपस्थित होते. सर्वप्रथम कसगीवाडी गावाला सातलिंग स्वामींनी भेट दिली आणि येथील ग्रामस्थाशी संवाद साधत त्यांच्या अडचणी जाणून घेताना दिसून आले. यावेळी सातलींग स्वामी यांनी दिव्यांग, विधवा महिला, जेष्ठ नागरिक आणि आरोग्य विषयक अडचणींना प्राधान्य देत मदतीसाठी कधीही फोन करा अडचण दूर करू असे आश्वाशीत केले.

गावातील मंदिरात दर्शन झाल्यावर सभामंडपात आयोजित सोहळ्यात उपस्थितांशी सुसंवाद झाला. दरम्यान गावातील काही युवकांनी व महिलांनी बेरोजगारीचा ज्वलंत प्रश्न या सोहळ्यात उपस्थित करून गावातील अवैध धंदे हद्दपार करा अशी मागणी केली. तेंव्हा लवकरच उमरगा औद्योगिक वसाहतीत मोठ्या नामांकित कंपनीचा शुभारंभ होणार असून त्यातून सुशिक्षित बेरोजगारांना रोजगार मिळवून देण्याची हमी सातलिंग स्वामीनी दिली. तसेच गावातील अवैध धंदे बंद करण्याच्या अनुषंगाने माजी मंत्री बच्चू कडू यांच्या नावे निवेदन अर्ज देण्याबाबत सांगितले.
कसगी गावातील राहुल शरनू करपे या तरुणाचा विद्युत प्रवाहाचा संपर्क झाल्याने दुर्दैवी मृत्यू झाला होता. श्री. सातलिंग स्वामींनी आपल्या सहकाऱ्यासोबत या करपे परिवाराची सांत्वनपर भेट घेत परिवाराच्या दुःखात सामील होत त्यांना धीर दिला.