लोहारा तालुक्यातील धानुरी येथील विद्यामाता इंग्लिश स्कूल व हायस्कूलच्या मुख्याध्यापिका हिरा दयानंद सोलापुरे यांना श्री नारायणी शिक्षण प्रसारक मंडळ तुळजापूर संचलित, धाराशिव टॅलेंट सर्च परीक्षा तर्फे दिला जाणारा डॉ.ए.पी.जे. अब्दुल कलाम आदर्श मुख्याध्यापक पुरस्कार जाहीर झाला आहे.
यापूर्वी त्यांना मेस्टाचा आदर्श मुख्याध्यापिका पुरस्कार प्राप्त झाला आहे. शाळेच्या चढत्या यशामध्ये हे यश मोलाचे मानले जाते. हिरा सोलापूरे यांचे कार्य, जिद्द, चिकाटी, शाळेबद्दल असणारी आत्मीयता, विद्यार्थ्यांप्रती असणारे स्नेह, विविध स्पर्धा परीक्षेतून मुलांना काळासोबत घेऊन जाणे अशी विचारसरणी व प्रत्यक्षात अंमलबजावणी करणे याबद्दल हा पुरस्कार त्यांना जाहीर करण्यात आला आहे. हा पुरस्कार जाहीर झाल्याबद्दल त्यांचे सर्वत्र कौतुक केले जात आहे. शेतकरी विकास संस्थेचे अध्यक्ष अशोकराव जवळगे, सचिव किशोर साळुंके, ॲड. दीपक जवळगे यांनी मुख्याध्यापिका हिरा सोलापूरे यांचे अभिनंदन केले आहे. सोलापूरे मॅडमच्या प्रयत्नातून विद्यामाता शाळेने शून्यातून विश्व निर्माण केले आहे. प्रयत्नांती परमेश्वर हे साध्य केले. सोलापूरे मॅडम विद्यार्थ्यांना व सहकारी यांना सतत हे विचार सांगत असतात की “यश हे नशिबाने नाही, तर सातत्यपूर्ण मेहनतीने मिळते.” “अपयश हा शेवट नसतो; तो यशाकडे जाणारा पहिला टप्पा असतो.”
“स्वप्न मोठी ठेवा, मेहनत प्रामाणिक करा, यश तुमच्या पावलांशी येईल.”
“यशाची खरी गुरुकिल्ली म्हणजे संयम, चिकाटी आणि आत्मविश्वास.”
“यश मिळवायचे असेल तर कारणे नाही, प्रयत्न शोधा.” त्यांच्या या कार्याचे सर्वत्र कौतुक होत आहे.
