लोहारा शहरातील किंग कोब्रा सार्वजनिक गणेशोत्सव मंडळाच्या अध्यक्षपदी गगन माळवदकर तर उपाध्यक्ष पदी देवदत्त महाजन यांची निवड करण्यात आली आहे.
लोहारा शहरातील किंग कोब्रा सार्वजनिक गणेशोत्सव मंडळाच्या कार्यकारिणी निवडीसाठी रविवारी ( दि. ९) सायंकाळी कोब्रा बहुद्देशीय सामाजिक प्रतिष्ठानचे अध्यक्ष दत्ता निर्मळे, सचिव गोपाळ सुतार यांच्या प्रमुख उपस्थितीत बैठक आयोजित करण्यात आली होती. या बैठकीत गणेशोत्सव संदर्भात विविध विषयांवर चर्चा करण्यात आली. यावेळी सर्वानुमते कार्यकारिणी निवड करण्यात आली. अध्यक्षपदी गगन माळवदकर तर उपाध्यक्ष पदी देवदत्त महाजन यांची निवड करण्यात आली. तसेच सचिव पदी गिरीश जट्टे, स्वप्नील स्वामी, कोषाध्यक्ष पदी ओम पाटील, ईश्वर बिराजदार, मिरवणूक प्रमुख पदी नाना पाटील, महेश कुंभार, महेश चपळे, सचिन माळी यांची निवड करण्यात आली आहे. तसेच प्रसिद्धी प्रमुख पदी संतोष फावडे, शाम कोरे यांची निवड करण्यात आली. या बैठकीसाठी किंग कोब्रा सार्वजनिक गणेशोत्सव मंडळाचे सदस्य उपस्थित होते.
