भारत शिक्षण संस्थेचे कला, विज्ञान व वाणिज्य महाविद्यालय, माकणी येथे भारतीय ग्रंथालय शास्त्राचे जनक ‘पद्मश्री डॉ. एस. आर. रंगनाथन’ यांची जयंती ‘राष्ट्रीय ग्रंथपाल दिन’ म्हणून अतिशय उत्साहात साजरी करण्यात आली.
याप्रसंगी डॉ. रंगनाथन यांच्या प्रतिमेला पुष्पहार अर्पण करून अभिवादन करण्यात आले. प्रत्येकाने दररोज वाचन करून आपल्या ज्ञानात भर घातली पाहिजे. वाचनाने व्यक्तीचा आत्मविश्वास वाढतो. विधायक मार्ग दाखविण्यासाठी आणि समाज साक्षर करण्यासाठी ग्रंथ हेच चांगले मित्र आहेत. ग्रंथालयातील उपलब्ध वाचन साहित्याचे प्रत्येकाने वाचन करून वाचन संस्कृती वृद्धिंगत केली पाहिजे. ग्रंथालयांना लोकाभिमुख बनवणे व त्याचा उपयोग सर्वसामान्यांना व्हावा यासाठी पद्मश्री
डॉ. एस आर रंगनाथन यांनी ग्रंथालयाची पंचसूत्री तयार केली. या आधारावर ग्रंथालय शास्त्राचा पाया उभा राहिला. याप्रसंगी कार्यक्रमाच्या अध्यक्षस्थानी प्राचार्य डॉ. धनंजय माने हे होते. यावेळी उप प्राचार्य डॉ. डी व्ही थोरे, ग्रंथपाल डॉ. बी व्ही चालुक्य, कार्यालयीन अधीक्षक के. एस. जगताप तसेच महाविद्यालयातील प्राध्यापक वृंद, शिक्षकेतर कर्मचारी आणि विद्यार्थी मोठ्या संख्येने उपस्थित होते.
