लोहारा तालुक्यातील जेवळी येथील ग्रामदैवत महात्मा बसवेश्वर यात्रेच्या निमित्ताने विविध क्षेत्रामध्ये भरीव कामगिरी केलेल्या गुणवंताचा महात्मा बसवेश्वर यात्रा कमिटी जेवळी यांच्या वतीने बुधवारी (दि.२२) बसवरत्न पुरस्कार देऊन सन्मान करण्यात आला.
तालुक्यातील जेवळी येथे श्री सिद्धेश्वर विरक्त मठ जेवळी येथे म.नि.प्र. गुरू गंगाधर महास्वामी यांच्या हस्ते विविध क्षेत्रामधील सात जणांचा बसवरत्न पुरस्कार देऊन सन्मान करण्यात आला. यावेळी माजी मुख्याध्यापक बी. एम. बिरादार, बसवराज कारभारी, ॲड. मनोज चटगे, अभियंता प्रसाद पाटील, संजय तांबडे, राजू डिग्गे, रोहित कारभारी यांच्यासह ग्रामस्थ उपस्थित होते. या सन्मान सोहळ्यात संतोष उपासे, सुनील देशपांडे, वसंतराव पोतदार, मल्लिनाथ सोळसे, बाबा राठोड, पांडुरंग होनाजे, विशाल होनाजे या सात जणांना त्यांनी केलेल्या उल्लेखनीय कार्याबद्दल बसवरत्न पुरस्काराने सन्मानित करण्यात आले.
